Amerikaning sharqiy shtatlari 27-28 avgust kunlari shiddatli to'fon bilan yuzlashdi. 

Atlantika okeanidan kelgan "Ayrin" (Irene) to’foni shanba kuni erta bilan Shimoliy Karolina sohillarini urdi. Keyin esa shimol tomon yo'naldi. Qattiq yomg'ir, dovul. 15 kishi halok bo'lgani ma'lum.

Virjiniya

Virjiniya, Merilend va Delaver shtatlari, shuningdek Vashington shahrida suv toshqinlari kuzatilib, uy-joy va binolarga zarar yetgan.

Butun mintaqa bo'ylab favqulodda holat e’lon qilgan. Sohilbo’yidan millionlab aholi evakuatsiya qilingan. Nyu-York shahrida jamoat transporti ishdan to'xtagan.

Mutaxassislarning aytishicha, bu to'fon hajm jihatdan butun Yevropa maydoniga teng.

Uning "ko'zi", ya'ni markaziy nuqtasi Shimoliy Karolinaga to'g'ri kelgan. To'fon soatiga 120 kilometr tezlikda esmoqda. Yog'ingarchilik avj olib, ko'plab hududlar toshqindn aziyat chekmoqda.

Zarar ko'lami aniq emas, ammo ikki million aholi elektr tokisiz qolgan.

Merilend

"Ayrin" Puerto-Riko, Bagama orollari va Dominikana Respublikasida bir necha kishini hayotdan olib ketdi.

Ikki tomoni okean bilan o'ralgan AQShda oxirgi uch yil ichida bunday xatarli to'fon kuzatilmagan.

Prezident Barak Obama aholiga murojaat qilib, hukumat ehtiyot choralarni ko'rayotganini, lekin xavfli hududlarda yashaydigan odamlar ogoh turishi kerakligini aytdi.

23 avgust kuni poytaxt Vashington va mamlakatning sharqiy shtatlarida yer qimirlagan edi.

AQSh Geologiya agentligiga ko'ra, zilzila 5,8 balda yuz bergan.