Ilk fotosurat 1826-yilda fransuz olimi tomonidan olingan bo`lib, uning nomi “Le-Graning oynadan ko`rinishi” deb nomlanadi.

1998-yilda Eiger Labs firmasi tomonidan ishlab chiqilgan MPMan nomli player ilk MP3 pleyer bo`ldi. Uning xotira sig`imi 32 Mb ga teng bo`lib, uni 64 Mb gacha ko`paytirish imkoni ham bor edi. 91x70x16.5 mm o`lchamli bu texnika mo`jizasi 69 dollarga baholangan.

Ilk jurnal “The Gentleman's Magazine” deb nomlanib, 1731-yilda Londonda chiqarilgan. Jurnal bosh muharriri Edvard Keyv bo`lib, u jurnalga “Sylvanus Urban” tahallusi bilan maqolalar yozgan. “Magazine” nomini ham aynan u qo`ygan. Jurnal 200 yilga yaqin “hayot kechirgan” bo`lib, 1907-yilda yopilgan.

1990-yilda CERN universitetida Tim Berner Li tomonidan yaratilgan sayt bu boradagi ilk ish bo`ldi. Saytning manzili info.cern.ch dir.

1885-yili Chikagoda metall va beton yordamida ilk osmono`par bino qurildi. Bu binoda sug`urta kompaniyasi joylashgan edi. 1931-yili kompaniya o`z o`rnini milliy bankka bo`shatib berdi. 10 qavatli, 42 metr bo`yga ega bu bino metall ustunlar asosida qurilgan ilk osmono`par inshoot bo`ldi.

1925-yil Kaliforniyada me`mor Artur Xayneman tomonidan qurilgan Motel Inn mehmonxonasi nomi “motor” va “hotel” so`zlaridan olingan. Avvaliga bu mehmonxonani Milestone Mo-Tel deb nomlashgan edi. Bu mehmonxonada tunni o`tkazish 1.25 dollarga teng bo`lgan. Artur “Motel” nomini mualliflik huquqini sotib olishga qiziqmadi. Hozirgi kunda yo`lovchilarga tunni o`tkazishga qulay bo`lgan “motel” rusumidagi mehmonxonalar soni yer yuzi bo`lylab bir necha mingdan oshadi.

Avvallar musiqiy albomlarning barchasi bir hil ko`rinishga ega bo`lgan jigarrang muqovada chiqarilar edi. 1938-yili Columbia Records tomonidan yozilgan “Smash Song Hits by Rodger and Hart” albomi muqovasiga 23 yoshli dizayner Aleks Steynvess tomonidan bezalgan bo`lib, u bu boradagi ilk albom muqovasi bo`ldi.

1975-yil Kodak firmasi ishchisi Stiv Saksson kashf etgan qurilma o`n yildan so`ng fotografiya sohasida inqilob yasadi. U ilk raqamli fotokamera edi. U 100x100 piksel yoki zamonaviy tilda 0,01 megapiksel o`lchamga ega bo`lgan oq-qora suratlarni tasvirga olar edi. Apparat bitta kadrni suratga olish uchun 23 soniya vaqt sarflab, uni magnitofon tasmasiga muhrlaydi. O`sha kamera hozirgi zamonaviy “avlodlari” kabi Fairchild Semiconductor CCD datchigi bilan qurollangan. Suratni ko`rish uchun maxsus apparat bo`lib, uni televizor ekranida ko`rsatilar edi. Har bir kadrni yuklash uchun ham 23 soniya vaqt ketardi.

Bu moslama ilk marotaba 1964-yilda Duglas Engelbart tomonidan ishlab chiqilgan. Uning tuzilishi ikkita tishli halqadan iborat bo`lib, o`zaro perpendikulyar joylashgan va bitta o`q atrofida aylanadigan qilib joylashtirilgan edi. Aynan shu buyum yaratilishi natijasida kompyuterda ishlash talay qulayliklarga ega bo`ldi. Bugungi kunda sichqonchaning ko`plab ko`rinishlarini uchratish mumkin.

Ilk motosikl 1885-yilda nemil kashfiyotchilari Gotlib Daymler va Vilgelm Maybah tomonidan ishlab chiqilgan. Bu voqea Shtutgartda bo`lgan edi. Bu kashfiyotni benzin vositasida yuradigan velosiped deb atasa ham bo`ladi. Uni Reitwagen deb nomlashgan edi. Aynan shu transport jahondagi ilk benzin yordamida harakatlanadigan vosita bo`ldi.

Ilk sharikli ruchkani ishlab chiqarish patentini 1888-yil 30-oktabrda Jon Laud qo`lga kiritgan. Undan so`ng esa bunday patentga 1916-yili Van Vechten Rayzberg ham ega bo`ldi.
1930-yillarning so`ngiga kelib, hozirgi zamonaviy ruchkalarga o`xshash ruchkalar ishlab chiqarila boshlandi. Bunday ruchkalarni ishlab chiqarishga patentni esa venger jurnalisti Jozef Laslo Biro qo`lga kiritgan edi. U ko`p yozganligi sababli ruchkani qo`lga mos qilib ishlagan.
Keyinchalik bu borada ham pul qilishga urinishlar ko`paydi. Buyuk Britaniyaning BBC kompaniyasi o`z hizmatchilari uchun ruchkalar ishlab chiqara boshladi. Patent egasi Biro esa o`z huquqini Argentinaning Eversharp kompaniyasiga 1 million dollarga sotib yubordi. Aynan shu kompaniya mahsulotlari butun dunyo bo`lylab sotildi.
Okean ortiga esa ruchkani Milton Reynolds ismli sayyoh Argentinadan olib kelgan. 1943-yilda u ham ruchka ishlab chiqarish uchun patentni qo`lga kiritdi. Bu biznesda u juda katta yutuqlarga erishgan. Nyu-Yorkdagi Jimbela nomli magazinda bir kunning o`zida 10 ming donadan ortiq ruchka sotilgan. Bu oddiy buyun Reynoldsni millionlar egasiga aylangan. U bu sohadagi birgina millioner emas.