АҚШ президенти Барак Обама Канада бош вазири Стивен Харперга бир яшчик пиво ютқазди.

Ванкуверда ўтаётган қишки олимпияда ўйинларида АҚШ ва Канада ўртасида олтин медал учун хоккей мусобақаси 2:3 ҳисобида Канада фойдасига ҳал бўлди.

Ўйин олдидан Обама ва Херпер ўз терма жамоалари ютади, деган ишончда бир яшчик пиводан гаров ўйнашган эди.

Шундай қилиб, қишки олимпияданинг хоккей бўйича мусобақаларида Канада олтин, АҚШ эса кумуш медалини қўлга киритди. Финляндия Словакия жамоаси устидан ғалаба қозониб, бронза медалига сазовор бўлди.

Президент Дмитрий Медведев франциялик сармоядорларни Россия иқтисодиётини замонавийлаштиришда ёрдам бериш учун мамлакатга сармоя ётқизишга даъват қилди.

Францияга сафарининг иккинчи кунида маҳаллий бизнес лидерлари билан учраган Медведев икки давлат ўртасидаги иқтисодий ҳамкорликни “мисли кўрилмаган” дея баҳолади.

1 март куни сўзлаган Дмиртий Медведев Франциянинг Россияга ётқизган сармояси илк бор АҚШ ётқизган сармоядан ошиб кетганини маълум қилди.

Шазхода ва Нилуфар Усмонова Гулсанам Мамазоитованинг концертида мирикиб дам олди!

***

Бугунги ўзбек киносида фильмлар яратилиши кўрсаткичи юқори бўлгани билан сифат даражасида юксалиш йўқ. Томошабин тобора бирхилликдан зерикаётгандек. Кино олами ижодкорлари учун янги мавзулар топиш муаммога айланяпти, шекилли, бир пайтлар яратилган энг оммабоп фильмлар воқеалари асосида янги фильмлар суратга олиниши урфга киряпти. Айни кунларда "Қўчқор аканинг саргузаштлари” номли янги кинокартина катта экранга тайёрланяпти. Фильм воқеалари ривожи "Темир хотин” суперхити билан узвий боғлиқ. Бош ролда Жавоҳир Зокиров. Режиссёр Баҳодир Мирзакаримов.Энг қизиғи, кинокартинада бош қаҳрамон темир хотин эмас! Олимтой бир неча йиллик тажрибалардан сўнг андроид яратади! Одамларга жуда ўхшаш эркак! Фильмда "Темир хотин”даги деярли барча актрёрлар иштирок этади. Фильм саундтрекини Мурод Ражабов яратди. Рэп айтиш орзусидаги халқ артисти ниҳоят орзусига етди! Мурод Ражабов ва Нилуфар Усмонова ижросидаги антиқа тарона ўз мухлисларини топишига ишонамиз. Шундай қилиб, фильм ҳақидаги янгиликларни кузатиб боринг ва ўзингизга яраша хулоса чиқаринг.

Кочаман деб урунма хамма малумот пастдаги расмда!

Райҳондан эксклюзив маълумотларни биринчи бўлиб эътиборингизга ҳавола этишни лозим топдик. Куни-кеча хонанда берган маълумотларга қараганда, унга махсус ёрлиқ топширишди. “New star-Asia” компанияси томонидан фалакда янги юлдузлардан бирига Райҳон номи берилгани айнан бу ном шоу оламимиздаги Райҳон исмли хонанда шарафига аталганини маълум қилишди.

-Мени бу янгилик ҳайратга солди ва жуда қувонтирди-дейди, Райҳон- Айни пайтда янги тароналарим устида ижод қиляпман. Янги альбомимнинг тўртта қўшиғини ёзиб тугалладим. Улардан бирига клип ҳам суратга олишни режалаштирганман.

Янги тарона “Хайр дема” дея номланиб, Якзон сўзи, Райҳон мусиқаси билан яратилди. Клип учун жуда мураккаб рақслар саҳналаштириляпти. Бу ҳақда хонанда ошкор этишга этди-ю, бироқ, сир тутишимизни илтимос қилди. Дарвоқе, Райҳоннинг янги концерт дастури DVD дискларини кутаётганлар талай. Бироқ, айни пайтда хонанда маслаҳатлари билан монтаж ишлари профессионал даражада кечяпти. Мухлислар эса то концерт дастури дискларда чиққунига қадар хонанданинг 29 та клипи жамланган тўпламни томоша қилишлари мумкин!

Шоу-бизнес оламидаги норасмий хабарларга кўра Иброхим билан дуэт айтиш учун 5000 кўкида бир унчалик машхур бўлмаган хонанда тўлаётган эмиш.

Қизиқ, нахотки Иброхимга тавсия қилинган инсон билан у дуэт айтаверса?

Балки бу шартномада кўрсатилгандир.

Бир тарафдан анча пулга ташриф буюраётган Иброхимга пулни чиқариш учун қилинаётган лойиха деса кўнар хам.

Яна ким билади дерсиз..

Анди ташриф буюргандаги “бизнес” нахотки давомлайди?

Ўлмас Оллоберганов, Улуғбек Отажонов, Озода Саидзода ва ёки Дониёр Тошмухамедов агар Иброхим билан дуэт куйласа, пулга куйлади десалар ишона олмайман. Менимча санъатимизда фақатгина булар Иброхим билан дуэт куйлай олса керак.

12-март куни Россиянинг машхур дизайнери Сергей Пугачевнинг таклифига биноан Шахзода келинлар либоси намойишига модель сифатида таклиф қилинди.

Шахзода билан бирга Россия шоу-бизнесида машхур бошловчи Ксения Бородина, хонанда Ика, «Подиум» ва «Бархат» гурухлари, шунингдек бошқа машхурлар иштирок қилишди.

Қизиғи дизайнер Сергей Пугачев либослари орасидаги энг асосийсини Шахзодага атади ва хар бир тадбирнинг “фишка”си бўлган якунланишда Шахзода у либосда кўргазмани сўнгги ва асосий иштирокчиси сифатида чиқиш қилди.

Бу чиқиш нафақат томошабинларни балки танқидчиларни хам лол қолдирди.

Қани ғурурланмай кўринг-чи? ;)

Мавсум юлдузлар тўйлари!

Кеча 17 -март куни “Ўзбекистон” мехмонхонасида Насиба Абдуллаева ўғлини уйлантирди.

Бугун 19-март куни “Киномания” кўрсатуви бошловчиси Лола Зуннунова турмушга чиқмоқда.

25-Март куни эса Фаррух Комилов уйланмоқда.

“Формальный неформал”ларимизнинг хабарларига кўра Фаррух хам, Лола хам ўз севганлари билан турмуш қуришмоқда.

Ўзбекистон пойтахти Тошкент чеккасида йўловчи автобусининг портлаши оқибатида олти киши қурбон бўлган, ўнлаб кишилар яраланган.

Бу ҳақда Россиянинг Итар-Тасс ахборот агентлиги хабар қилган. Агентликка кўра, ҳодиса сешанба куни юз берган.

Россия ахборот воситаларининг Ўзбекистон Ички ишлар вазирлигига таяниб хабар беришича, портлашга техника хавфсизлиги қоидаларига тўлиқ риоя этилмагани сабаб бўлган.

Шоҳидларга кўра, ЛАЗ русумидаги автобус томига ўрнатилган газ баллони пастга тушиб кетган ва портлаш содир бўлган.

Улар бир нечта йўловчининг ҳаётдан кўз юмганлиги ва яна бир қанчасининг тан жароҳати олганлигига гувоҳ бўлганликларини айтишади.

Тошкентдан олинган хабарларга кўра, кечаги портлашда яраланган йўловчилардан 12 нафари Зангиота туманидаги шифохонага ётқизилган. Яна шунча нафар атрофида бўлган аҳволи оғирроқлари эса, Тошкентдаги 16-сонли касалхонага олиб кетилган.

Жароҳатланганлардан аксариятининг аёллар экани айтилмоқда.

Ҳодиса куннинг кечки тиғиз бир пайтида юз бергани боис, автобуснинг йўловчиларга тўла бўлгани тахмин этилади.

Хабарларга кўра, йўловчи автобуси Тошкент шаҳридан вилоят туманларидан бирига кетаётган бўлган.

Ва Қўйлиқ бозори яқинидаги кўприкдан Бектемир туманига қараб кетишдаги ДАН пости яқинида портлаб кетган.

Юз берган ҳодиса юзасидан текширув ишлари бошланганига оид хабарлар бор.

Сўнгги йилларда Ўзбекистондаги аксарият шахсий ва жамоат транспортлари ҳайдовчилари газ мосламасидан фойдаланишга ўтиб олишган.

Бунга газ қийматининг бензинга нисбатан анчайин арзонлиги сабаб бўлгани айтилади.

Бироқ газ мосламаларини ўзбошимчалик билан ўрнатиб олиш ҳоллари ҳам анча кенг тус олгани, ҳайдовчиларнинг техника хавфсизлиги қоидаларига етарлича риоя этмасликларини масъулларнинг ўзлари ҳам рад этишмайди.

Ҳиндистонда поезд йўлидан чиқариб юборилиши оқибатида 65 киши нобуд бўлди

Расмийлар поезд ҳалокати бахтсиз тасодиф эмаслигини айтишмоқда

Ҳиндистон шарқида йўлидан чиқариб юборилган бир поезднинг иккинчиси билан тўқнашиши оқибатида камида 65 инсон ҳаётдан кўз юмган.

Ҳукумат расмийлари ҳодиса маочи исёнкорларнинг қўпорувчилик амали эканини айтишган.

Калкутта-Мумбай йўналиши бўйича ҳаракатланаётган поезд ўтган тун Ғарбий Бенгал штатида йўлидан чиқиб кетган. У ерда поезд келаётган темир йўлнинг маълум қисми олиб ташланган бўлган. Оқибатда вагонлар ва йўловчилар қарама-қарши томондан келаётган юк поезди йўлига отилиб кетган.

"Темир йўл расмийларига кўра, ҳодиса жойи қоронғу бўлган. Хуллас, ҳайдовчи бузиб қўйилган йўлни кўра олмаган", деб хабар қилади Би-би-си мухбири.

Ҳалокатдан бир неча соат ўтиб ҳам қутқарув гуруҳлари омон қолганларга кўмак беришга ҳаракат қилишмоқда.

Камида 200 инсон тан жароҳати олган, аммо жабр кўрганлари сони ортиши кутилмоқда. Ҳали ҳам Калкутта ғарбидан 150 чақирим узоқдаги Ғарбий Миднапоре минтақасида одамларни пачақланиб кетган вагонлар тагидан чиқариб олиш ишлари давом этмоқда.

Мазкур ҳудуд маочи исёнкорларнинг таянч нуқтаси ҳисобланади.

Барак Обама Нью-Йоркдаги масжид ғоясини қўллаб-қувватлади

АҚШ Президенти Барак Обама Нью-Йоркдаги 2001 йил ҳужумларига нишон бўлган ҳудуд яқинида маданий марказ ва масжид қуришга оид баҳсли режани қўллаб-қувватлаган.

Муқаддас Рамазон ойи муносабати билан Оқ Уйда берилган зиёфатда гапирган Президент Обама мусулмонлар бошқа америкаликлар каби диний эркинликларга эга эканини айтган.

2001 йил ҳужумларида қулаган эгизак миноралар жойига яқин бинолардан бирида масжид барпо этиш лойиҳасининг мухолифлари буни 11 сентябр қурбонлари хотирасига ҳурматсизлик эканини даъво қиладилар.

Президент Барак Обама баҳсли Манхеттен масжиди режаси борасида илк бор изоҳ бераркан, бу масаланинг нозик масала эканини тан олди.

Жаноб Обамага кўра, ибодат маскани қуриш имконига эга бўлиш Америка фуқароларининг асосий ҳақ-ҳуқуқларидан биридир.

"Бу Америка ва бизнинг диний эркинликларга оид мажбуриятларимиз мустаҳкам бўлиши лозим", деди Барак Обама.

Унга кўра, Америкада ҳар қандай динга мансуб кишига бир хилда муносабат қилиш ўта муҳимдир.

Лойиҳа мухолифлари, жумладан, Нью Йоркдаги 2001 йил сентябр ҳужумларида яқинларини йўқотганлар масжид қурилишини тўхтатишга урингандилар.

Президент Обама айтишича, Американинг диний сабр-тоқатлилиги анъанаси "душманларникидан фарқ қилади".

Америкаликлар "Ал-Қоида" каби экстремистик гуруҳлар билан оддий мусулмонларни адаштирмасликлари керак, деб айтган жаноб Обама.

"Ал-Қоида"нинг ғоялари Ислом эмас, унинг қўпол бузилиши" деган АҚШ президенти.

Оммавий жойлардаги ифторлик тақиқидан муддао нима? Обидхон қори Назаров билан суҳбат

Тошкентликларнинг айтишларича, ўтган йилги Рамазон ойида "Ифторликка марҳамат!" сингари ёзувлар Ўзбекистон пойтахтидаги ошхона-ресторанлари пештоқларида бу йил кўринмайди.

Аввалги йилларда муқаддас Рамазон ойида рўза тутгандан кейин уюштириладиган зиёфатларни Тошкент тамаддихоналарида ўтказиш кўпайган, ифторликларни Ўзбекистоннинг бошқа вилоятлари шаҳарлари ресторан-ошхоналарида ташкил этиш ҳам кузатилган.

Бироқ бу йил мамлакатнинг бошқа ҳудудларидан фарқли Тошкентда ифторликни ошхона-ресторанда ўтказиш маън этилган.

Бу Ўзбекистон мусулмонлари диний идораси, Тошкент шаҳар ҳокимлиги, Тошкент милицияси биргаликда олган қарор эканлиги маълум қилинган.

Ўзбекистон пойтахтида Рамазон ойидаги ифторликларни ошхона-ресторанларда ўтказилиши тақиқлангани сабаби чиндан ҳам исрофгарчиликлар олдини олишми?

Тошкентлик инсон ҳуқуқлари ҳимоячиларига кўра, ифторлик ҳам моҳиятан диний маросим ва ҳукумат расмийлари бу каби маросимларнинг оммавийлашиб бораётганидан чўчимоқдалар.

Тошкент шаҳрида охирги йилларда алкогол ичимликларисиз хизмат кўрсатиладиган умумий овқатланиш муассасалари сони кўпайган.

Ва бундай ошхона-ресторанларга бориб танаввул қилишни истайдиган хўрандалар сони ҳам тобора ортиб бораётгани кузатилмоқда.

Би-би-си Швецияда муҳожиротда бўлган таниқли уламо Обидхон қори Назаров билан ана шу мавзуда суҳбатлашди.