|
| BIZ ISLOMNI O'RGANAMIZ !!! | | | Sana: Payshanba, 26-Avgust-2010, 02:01 | Xatlari # 136 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 89-DARS
Mavzu: OY KO'RIB RO'ZAGA KIRISH
– Ramazon oyining boshi qaysi kun bo’ladi?
– Sha’bon oyining yigirma to’qqizinchi, ya’ni oxirgi kuni kechasi hilol, ya’ni yangi
tug’ilgan oy ko’rilsa, ertasi ro’za – ramazon boshidir.
– Sha’bon oyining yigirma to’qqizinchisida oy ko’rinmasa, nima bo’ladi?
– Sha’bon oyini o’ttiz qilib, o’ttiz birinchi kuni ramazon boshi, deb hisob qilinadi.
– Fitr hayiti qaysi kun bo’ladi?
– Shavvol oyining birinchi kunida bo’ladi. Ramazon oyining yigirma to’qqizinchi yo
o’ttizinchi kunida kechasi shavvol oyi ko’rilsa, ertaga fitr hayiti kunidir.
– O’ttiz kun ro’za tutgandan so’ngra kechqurun shavvol oyi ko’rinmasa, nima bo’ladi?
– Ramazon oyining boshi shubhali hisob qilinmagan bo’lsa, ertasi fitr hayiti kunidir. Agar
ramazon boshi shubhali hisob qilingan bo’lsa, o’ttiz bir kun ro’za tutiladi, o’ttiz ikkinchi
kuni fitr hayiti bo’ladi.
– Oy ko’rish xususida necha kishining guvohligi lozim?
– Oftob botgan vaqtda bulut bo’lmasa, yangi oyni ko’p kishi ko’rmog’i shart. Bir, ikki,
uch kishining so’zi qabul qilinmaydi. Ammo agar tepada bulut bo’lsa, ro’za tutmoq uchun
xoh erkak kishi bo’lsin, xoh xotin kishi bo’lsin, bir odil kishining so’zi qabul qilinadi.
Ammo ro’zadan chiqish, fitr iydi uchun ikki odil erkak va yo bir odil erkak va ikki odil
xotin oyni ko’rib guvohlik bermog’i lozimdir.
– Kimlar odil kishi sanaladi?
– Ulug’ gunohlardan o’zini saqlaguvchi bolig’, oqil va komil musulmon kishilar odil
sanaladilar.
– Sha’bonning yigirma to’qqizinchi kuni yangi oy ko’rinmay qolsa, o’ttizinchi kuni qaysi
oydan hisob qilinadi?
– Sha’bon bilan ramazon orasidagi kun o’rtoqqa o’xshash bo’ladi. U kun sha’bonning
o’ttizinchi kuni bo’lishi ham mumkin, ramazonning birinchi kuni bo’lishi ham mumkin,
shu sababdan u shak kuni, deb ataladi.
– Shak kunida nima qilish lozim?
– Har bir kishi kun oqqan vaqtdan ilgarigacha oy ko’rilgani to’g’risida xabar kelib qolishi
mumkin, deb ro’zador bo’lib turishi lozim.
– Oy ko’rilgan deb xabar kelsa va sulton qabul qilsa, nima qilinadi?
– Har bir kishi niyat qilib ro’za tutadi.
– Oy ko’rilganning xabari yetmasa, nima qiladi?
– Har kim yeb-ichib yuraveradi, ro’za tutmaydi.
– Shak kunida ro’za tutish durust bo’ladimi?
– Ramazon ro’zasi, deb niyat qilib ro’za tutish durust bo’lmaydi, ammo nafl ro’za tutish
durust bo’ladi. Agar shak kuni nafl ro’za niyat qilgandan so’ng ushbu kun ramazondan
ekanligi ma’lum bo’lib qolsa, shu tutgan ro’zasi ramazon ro’zasidan hisob qilinaveradi.  
|
 | |
|
| | | | Sana: Dushanba, 20-Sentyabr-2010, 18:46 | Xatlari # 137 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 90-DARS
Mavzu: E'TIKOF BAYONI
– E’tikof nimadir?
– Niyat va ro’za bilan jamoat masjidida umr kechirmoqdir.
– E’tikof zarur amalmi?
– Har bir erkakka sunnatdir.
– E’tikofning eng ozi necha kun?
– Eng ozi bir kun va ko’prog’i o’n kun.
– Ramazonning qaysi kunlarida e’tikof qilish sunnat?
– Oxirgi o’n kunligida.
– Xotinlar qaerda e’tikof qiladilar?
– Uylarida namoz uchun tayyorlangan joylari bo’lsa, o’sha yerda e’tikof qiladilar. Agar
namoz uchun tayyorlangan joylari bo’lmasa, e’tikof qilmaydilar.
– E’tikof qilgan kishi qaerda yeb-ichadi, qaerda uxlaydi?
– Masjidda.
– E’tikof qilayotgan kishining masjiddan chiqishi durust bo’ladimi?
– Tahorat sindirishi va tahorat qilish va juma namozi uchun jome’ masjidiga borish
singari uzrli ishlar uchun chiqsa bo’ladi. Boshqa ishlar uchun chiqishi durust emas.
– Uzrsiz, biror dunyoviy ish uchun masjiddan chiqsa, nima bo’ladi?
– Uzrsiz, dunyoviy ish uchun masjiddan chiqib olti soatga qadar vaqt o’tkazsa, e’tikof
buziladi. Boshqatdan e’tikof boshlashi lozim bo’ladi.
– E’tikofda o’tirgan kishilar masjidda nima qiladilar?
– Namoz o’qiydilar, tasbeh aytadilar, Qur’on va kitob o’qiydilar, ilm o’rgatadilar va
o’rganadilar, duo qiladilar, kitob so’zidan so’zlashadilar, zarur bo’lmasa, dunyo so’zidan
so’zlamaydilar, dunyo ishini qilmaydilar.
– E’tikof qilgan kishi xotiniga yaqinlashishi, badanini ushlashi, quchoqlashi va o’pishi
durust bo’ladimi?
– Durust bo’lmaydi, e’tikof buziladi.
|
| |
|
| | | | Sana: Chorshanba, 22-Sentyabr-2010, 19:58 | Xatlari # 138 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 91-DARS
Mavzu: NAZR VA NAFL RO'ZALAR
– Bir kishi falon ish bo’lsa, falon kunda ro’za tutaman, desa yoki falon kun qadar ro’za
tutarman, deb nazr aytsa, u kishiga nima qilish vojib bo’ladi?
– Aytgan nazrini ado qilish vojib.
– Nazr ro’zaga qaysi vaqt niyat qilinadi?
– Falon kunda, deb niyat qilsa ham bo’ladi, kunduz kuni katta choshgohgacha niyat
qilinsa bo’ladi, ammo qaysi kuni tutishi tayin qilinmagan bo’lsa, tong otguncha niyat qilib
qolish lozimdir. Undan keyin bo’lmaydi.
– Ramazondan boshqa vaqtda ro’za tutish durustmi?
– Ikki hayit kunlaridan va tashriq kunlaridan boshqa kunlarda nafl ro’za tutish durust
bo’ladi. Mustahabdir. Xususan, dushanba, payshanba kunlarida, ashur, rajab oyi, barot
va arafa kunlarida ham zulhijja va muharram oylarining avvalgi juma kunlarida nafl
ro’za tutish ko’p savobli mustahab amallardandir.
| |
|
| | | | Sana: Yakshanba, 26-Sentyabr-2010, 03:53 | Xatlari # 139 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 92-DARS
Mavzu: ZAKOT
– Islom dinida farz bo’lgan ulug’ ibodatlarning to’rtinchisi molga zakot berishdir. Bolig’
va oqil musulmon bo’lgan besh toifa kishilarga zakot berish farz qilingan. Zakot berish
yosh bolaga, devona kishiga, faqir kishiga farz bo’lmaydi, hatto boy bo’lsalar ham. – Odamning moli qancha bo’lsa, zakot berish lozim bo’ladi?
– Zakot beriladigan mollarning har qaysisidan nisob miqdorida molga ega bo’lsa, lozim
bo’ladi. Bundan tashqari o’sha mol o’zining va oilasining tirikligi uchun zarur mollardan
ziyoda bo’lishi va ham o’z qo’lida bo’lishi va ham o’zining sof halol moli bo’lishi kerak.
– Nisob miqdoridan kam bo’lgan moldan zakot beriladimi?
– Berilmaydi. Hovli-er, libos, idish va asboblar hamda olim kishilarning kitobalariga
o’xshash o’z hojatidagi mollardan ham zakot lozim bo’lmaydi.
– Qarzdor kishining qo’lidagi molidan ham zakot beriladimi?
– Qarzga yetarli miqdordan berilmaydi, qarzdan ortib qolgan miqdori nisobga yetsa,
undan beriladi.
– Masalan, bir kishining o’z hojatidan ziyoda yuz so’m aqchasi bo’lsa va ham bir kishiga
beradigan yuz so’m qarzi bo’lsa, shu yuz so’mdan zakot beriladimi?
– Berilmaydi, chunki u o’z moli emas, balki qarz bergan kishining molidir.
– Bir kishining ikki yuz so’m aqchasi bor bo’lsa, yuz so’m qarzi bo’lsa, ushbu ikki yuz
so’mdan zakot beriladimi?
– Qarzga tegishli yuz so’mdan bermaydi, ortgan yuz so’m uchun beradi.
– O’z qo’lida bo’lmagan moldan zakot beriladimi?
– O’zining vakili qo’lida bo’lsa yoki bir boshqa kishining qo’lida bo’lsa va unda borligiga
hujjati bo’lsa, beradi.
– Bir kishining birovga qarz bergan moli bo’lsa, o’sha molga zakot bermak lozimmi?
– Qarzdor kishi o’sha molning borligiga iqror bo’lsa yoki munkar bo’lsa-da, lekin o’sha
molning borligiga hujjati bo’lsa, zakot berishi lozim.
– Yo’qolgan molga zakot beriladimi?
– Berilmaydi.
|
| |
|
| | | | Sana: Shanba, 02-Oktyabr-2010, 18:51 | Xatlari # 140 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 93-DARS
Mavzu: ZAKOT BERILADIGAN MOLLAR
– Qanday mollarga zakot beriladi?
– Ushbu uch turli moldan zakot beriladi: birinchisi – oltin va kumushdan; ikkinchisi –
sotiladigan moldan; uchinchisi – sahroda o’tlaydigan hayvonlardan.
– Ushbu uch turli moldan boshqa o’z hojatidan ortiq bo’lgan mollardan zakot beriladimi?
– Berilmaydi.
– Istiqomat qilinadigan hovliga va hovlida bor bo’lgan mato va asboblarga zakot
beriladimi?
– Berilmaydi.
– Ijaraga qo’yiladigan hovli va qo’ralar uchun va yana o’z mulki bo’lgan pichanlik va
ekinlik yerlar uchun zakot beriladimi?
– Ushbu hovli va yerlarning o’z baholaridan zakot berilmaydi, ammo ulardan paydo
bo’lgan hosil nisobga yetsa, zakot beriladi.
– Oltin-kumushdan qay tarzda zakot beriladi?
– Xoh o’tga solib tanga yasalgan bo’lsa ham, xoh bir asbob qilingan bo’lsa ham, xoh
hech bir nima yasalmagan va o’z holicha turgan bo’lsa ham, har qaysisidan zakot
beriladi.
– Mis yoki biror narsa qo’shilgan oltin-kumushdan zakot beriladimi?
– Mis qo’shilgan oltin-kumushda oltin va kumush ko’p bo’lsa, zakot beriladi, misi ko’p
bo’lsa, berilmaydi.
– Mis aqchadan zakot beriladimi?
– Mis aqcha oltin-kumush aqcha o’rniga badal bo’lib yurgani uchun albatta beriladi.
– Qog’oz aqchaga zakot beriladimi?
– Qog’oz aqcha hech bir vajhdan pul emas, balki xazinaga qarz uchun berilgan kumush
yoki oltin aqchaning sanad va hujjatidir. Shu sababdan qag’oz aqchaning o’zginasidan
zakot berilmaydi. Lekin shu qog’oz aqchaning ustiga yozilgan so’m miqdoricha xazinada
saqlanadigan kumush yoki oltindan beriladi.
– Qaysi mollar sotiladigan mollardir?
– Qanaqa mol bo’lsa ham, sotishga niyat qilingan moldir.
– Zakot beriladigan hayvonlar qaysi hayvonlardir?
– Qo’y, echki, ho’kiz, sigir, tuya, ot singarilar, agar ular olti oydan ziyod sahroda
o’tlaydigan bo’lsa, zakot beriladigan hayvonlar qatoriga o’tadi. Xachir, eshak, ohuga
o’xshash hayvonlardan zakot berilmaydi.
– Hovlida xizmat uchun yoki suti uchun yoki juni uchun saqlanadigan hayvonlardan ham
zakot beriladimi?
– Berilmaydi.
– Dashtda yoki tog’da bo’lgan ekin va pichanga o’xshash va ham asal uchun zakot
beriladimi?
– Ularga o’xshash yerdan chiqadigan narsa uchun va ham asal uchun zakot berilmaydi,
ushur beriladi. Ushurning bayoni quyiroqda keladi.
|
| |
|
| | | | Sana: Payshanba, 07-Oktyabr-2010, 03:16 | Xatlari # 141 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 94-DARS
Mavzu: PUL VA SAVDO MOLLARINING NISOBLARI
– Oltinning nisobi qancha?
– Yigirma misqol. Ya’ni, yigirma misqol oltini bor kishiga ushbu oltindan zakot bermog’i
farz bo’ladi. (1 misqol - 4,68 grammga teng.)
– Yigirma misqol oltindan qancha zakot beriladi?
– Qirqdan biri, ya’ni uch yarim misqoli beriladi.
– Kumushning nisobi qancha?
– Ikki yuz tanga. Ya’ni, yuz qirq misqol kumushi bor kishiga ushbu kumushdan zakot
bermog’i farz hisoblanadi.
– Yuz qirq misqol kumushdan qanchasi zakotga beriladi?
– Qirqdan biri, ya’ni uch yarim misqol miqdori beriladi.
– Uch yuz qirq misqol kumush necha so’m bo’ladi?
– Bu zamonda o’ttiz so’m chamasi bo’ladi.
– Bu hisobga qaraganda, o’z hojatidan ziyoda necha so’m aqchasi bor kishiga zakot
bermak farz bo’ladi?
– O’z hojatidan ziyoda o’ttiz so’m aqchasi bor kishiga zakot berish farzdir.
– Qo’lida nisobga yetgan aqchasi bo’lib, hovlisi va yeri va boshqa zarur narsalari
bo’lmagan, ijarada istiqomat qiladigan kishining zakot berishi farzmi?
– Farz bo’lmasa kerak, ixtiloflidir.
– Sotiladigan mol nisobining miqdori qancha?
– Bahosi yuz qirq misqol kumush bahosi bo’lsa. Chunki sotiladigan mol o’z bahosi
miqdoridagi kumush hukmidadir.
– Bu hisobga qaraganda necha so’mlik sotiladigan mol bo’lsa, zakot berish farzdir?
– O’ttiz so’mlik chamasi bo’lsa, zakot berish farz bo’ladi.
– Nisobga yetgan sotiladigan molidan qanchasi zakot beriladi?
– Oltin-kumushga o’xshash qirq bo’lakdan bir bo’lagi beriladi. Masalan, qirq so’mlik
sotiladigan mol bo’lsa, bir so’m zakot beriladi.
– Bir kishining bir oz oltini, bir oz kumushi va bir oz sotiladigan moli bo’lsa-da, lekin
alohida-alohida hech biri nisobga yetmasa, u kishiga zakot bermak farz bo’ladimi?
– Mazkur mollarning bahosi bir-biriga qo’shib hisoblanadi, agar jami bahosi kumush
nisobiga yetsa, zakot berishi farz bo’ladi, yetmasa, farz bo’lmaydi.
|
| |
|
| | | | Sana: Yakshanba, 10-Oktyabr-2010, 04:14 | Xatlari # 142 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 95-DARS
Mavzu: HAYVONLARNING NISOBLARI
– Qo’yning nisobi qanchadir?
– Qirqtadir. Ya’ni, qirq qo’yi bor kishiga zakot berish farz bo’ladi. Qirq qo’ydan to bir yuz
yigirma qo’ygacha bir qo’y beriladi. Bir yuz yigirma bir qo’ydan to ikki yuz qo’ygacha ikki
qo’y beriladi. Ikki yuz bir qo’ydan to uch yuz to’qson qo’ygacha uch qo’y beriladi. To’rt
yuz qo’y uchun to’rt qo’y beriladi. Undan so’ng har bir yuz qo’y uchun bir qo’y beriladi.
– Sovliq qo’y bilan echkidan qay tarzda zakot beriladi?
– Sovliq qo’y bilan echki qo’y hukmidadir, qo’y bilan qo’shib hisob qilinadi.
– Sigirning nisobi qancha?
– O’ttiztadir. Ya’ni, o’ttizta sigiri bor kishiga zakot berish farz bo’ladi. O’ttiz sigir uchun
bir yasharlik erkak yoki urg’ochi tana beriladi.
– O’ttizdan ziyodasiga nima beriladi?
– Har bir sigir uchun bir yashar tana bahosining qirqdan biri miqdoricha pul beriladi.
– Qirq sigir uchun nima beriladi?
– Ikki yasharlik tana beriladi. Qirqdan ziyodasiga har bir sigir uchun ikki yashar tana
bahosining qirqdan biri miqdoricha pul beriladi. Oltmish sigir uchun ikki dona bir
yasharlik erkak yo urg’ochi tana beriladi. Yetmish sigir uchun bitta bir yashar va bitta
ikki yashar tana beriladi.
– Tuyaning nisobi qancha?
– Beshta. Ya’ni, beshta tuyasi bor kishi zakot berishi farzdir.
– Besh tuya uchun qancha zakot beriladi?
– Besh tuyadan to to’qqiz tuyagacha bir qo’y beriladi. O’n bir tuyadan to o’n to’rt
tuyagacha ikki qo’y beriladi. O’n besh tuyadan to o’n to’qqiz tuyagacha uch qo’y beriladi.
Yigirma tuyadan to yigirma to’rt tuyagacha to’rt qo’y beriladi. Yigirma besh tuyadan to
o’ttiz besh tuyagacha bir yasharlik bir tuya beriladi.
– Otning nisobi qancha?
– Ikki donadir. Lekin ikkovi va yoki biri baytal bo’lishi shartdir.
– Otlar uchun zakotga nima beriladi?
– Har otga baho qo’yilib, o’sha bahoning qirqdan biri beriladi. Masalan, qirq so’mlik ot
bo’lsa, bir so’m beriladi, yuz so’mlik ot bo’lsa, ikki yarim so’m beriladi.
– Hayvonlarning zakoti uchun berilishi lozim bo’lgan hayvonning o’rniga baholari
miqdoricha aqcha berilsa ham durustmi?
– Albatta, durust bo’ladi.
Nisobiga yil
|
| |
|
| | | | Sana: Chorshanba, 13-Oktyabr-2010, 18:00 | Xatlari # 143 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 96-DARS
Mavzu: NISOBIGA YIL TO'LMOQ BAYONI
– Zakot bir yilda necha marta beriladi?
– Yilda bir marta beriladi.
– Bir faqir kishining qo’liga nisob miqdoricha mol kirsa, u moldan qachon zakot berishi
farz bo’ladi?
– Bir yil to’lgandan so’ngra zakot farz bo’ladi. Keyin shu moli kam bo’lib qolmasa, har yili
zakot berib turadi.
– Zakot farz bo’lgandan so’ng bermasdan qo’lida saqlash durustmi?
– Durust emas, farz bo’lgandan keyin zakot berish kerak, paysalga solsa, gunohkor
bo’ladi, lekin ba’zi ulamolar aytganlarki, paysalga solib orttirgan gunohlari zakot
bergandan so’ng ko’tariladi.
– Bir kishining yil avvalida ham, yil oxirida ham nisob miqdoricha moli bo’lsa, lekin yil
o’rtasida kamayib turgan bo’lsa, u kishining zakot berishi farz bo’ladimi?
– Albatta, farz bo’ladi. Chunki yilning oxiri mo’’tabardir.
– Bir kishining yil avvalida bir nisob moli bo’lsa, yil to’lguncha shu mol ustiga mol
qo’shilib, miqdori bir necha nisobga yetsa, bu kishining necha nisobdan zakot berishi
farz bo’ladi?
– Yil oxirida mol necha nisobga to’lgan bo’lsa, o’shancha nisobga zakot
berishi farz bo’ladi. ZAKOT NIYATI
– Biror kishiga sadaqa deb bir oz aqcha yoki bir oz mol berilsa, bergan vaqtida zakotga
deb niyat qilinmasa, shu sadaqani zakotga hisob qilinsa, durust bo’ladimi?
– Durust bo’lmaydi, chunki sadaqa zakot hisobiga o’tishi uchun u beriladigan vaqtda yoki
atab ayirib qo’yilgan vaqtda zakotga niyat qilinish shartdir. Zakot deb niyat qilinmasdan
berilgan sadaqa zakotdan hisob qilinmaydi.
– Zakot deb beriladigan mol nechuk jins va nechuk zotdan bo’lmog’i lozim?
– Sof oltin yoki kumush aqcha yoki sotib olinadigan boshqa mol bo’lmog’i lozim.
– Qog’oz aqchani zakot deb berilsa, zakotga hisob qilinadimi?
– Shubhalidir, chunki qog’oz aqcha haqiqiy aqcha emasdir, balki qarz qog’ozi va qarz
hujjatidir.
| |
|
| | | | Sana: Juma, 15-Oktyabr-2010, 17:57 | Xatlari # 144 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 97-DARS
Mavzu: ZAKOT BERILADIGAN KISHILAR
– Zakotni qanday kishilarga bermoq durustdir?
– Nisobga yetgudek moli bo’lmagan faqir va miskin kishilarga, moli o’z qo’lida bo’lmagan
musofir kishiga va baytul mol uchun zakot yig’moqchi bo’lgan kishiga berish durust
bo’ladi.
– Qay tariqa beriladi?
– Baytul molga tayin qilingan kishidan boshqaga o’z qo’llariga mol qilib, mulk qilib
topshirish lozim.
– Sadaqalarni yig’ishga tayinlangan zakot omili bo’lgan kishiga zakotni topshirayotganda
zakot uchun yig’ilgan moldan ma’lum bir qismi xizmat haqqi, deb bersa, durust
bo’ladimi?
– Ha, zakot yig’uvchi boy kishi bo’lsa ham, unga zakot molidan bir miqdor berish
shariatda durust sanaladi.
– Faqirlarga taom qilib bersa, osh qilib yedirsa, zakotdan hisob qilinadimi?
– Zakotdan hisob qilinmaydi, chunki osh qilib oshatish butun topshirib mulkidan chiqarib
berish emasdir. Agar oshni butunlay o’z qo’llariga berib yuborsa, zakot hisoblanaveradi.
– Zakotni xayriya jamiyatiga bersa, zakot hisobiga o’tadimi?
– To’ppa-to’g’ri xayriya jamiyatiga bersa, hisob bo’lmaydi, xayriya jamiyati xazinadorini
fuqaroga topshirish uchun vakil qilib bersa, xazinador u aqchani xayriya jamiyati
aqchasiga aralashtirmasdan boshqa saqlab, fuqaroga tamlik qilib bersa, albatta,
zakotdan hisoblanadi.
– Zakotga degan aqcha ila maktab, madrasa, masjid bino qilish yoki ko’prik qurish va
yoki yo’l tuzatish, mayyit dafn qilish va shunga o’xshash ishlarni qilish durust bo’ladimi,
zakot hisob qilinadimi?
– Hisob qilinmaydi.
– Kishining gardanida bo’lgan olinadigan pul yoki molni zakotga hisob qilish durust
bo’ladimi?
– Durust bo’lmaydi.
– Kishidagi olinadigan aqchasi zakot o’rniga hisob qilmakni xohlagan kishiga nima qilish
lozim?
– Qarzdor kishiga qarz miqdoricha zakotdan berish kerak, shunda u aqcha qarzdorning
aqchasi bo’ladi, keyin u qarzdor qarzini ado qiladi.
|
| |
|
| | | | Sana: Yakshanba, 17-Oktyabr-2010, 18:18 | Xatlari # 145 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 98-DARS
Mavzu: ZAKOT BERIB BO'LMAYDIGAN KISHILAR
– Qanday kishilarga zakot berib bo’lmaydi?
– O’zining ota-onasiga, bobo va buvisiga, o’zidan tug’ilgan bolalariga, bolalarining
bolalariga, er xotiniga va xotin eriga, nisob qadar moli bo’lgan boy kishiga va boy
kishining sag’ir bolalariga zakot berish durust emas.
– Zakotni kimlarga berish yaxshiroq?
– O’zining faqir qarindoshlariga, ilm toliblariga, kasb qilolmaydigan ulamolarga, faqir,
beva xotinlarga, kasbdan ojiz bo’lgan haqiqiy faqir kishilarga berish yaxshiroqdir.
– Boy kishiga berilgan sadaqa zakot hisob qilinadimi?
– Zakot hisob qilinmaydi, nafl sadaqa ham bo’lmaydi, balki tuhfa va hadya hukmida
bo’ladi, davlati bo’la turib zakot olgan kishi zo’r gunohkor bo’ladi.
– Bir kishi zakot farz bo’lib ado qilolmasdan vafot etib ketsa, qolgan molidan zakotni
chiqarish lozim bo’ladimi?
– Zakotni chiqaringlar, deb vasiyat qilmagan bo’lsa, zakot chiqarish lozim emas, ammo
zakot chiqaringlar, deb vasiyat qilgan bo’lsa, qolgan molining uch bo’lagining bir
bo’lagidan zakot chiqariladi.
|
| |
|
| | | | Sana: Seshanba, 19-Oktyabr-2010, 18:55 | Xatlari # 146 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 99-DARS
Mavzu: USHUR
– Ushurning ma’nosi nima?
– Molning o’n bo’lagidan bir bo’lagi, demakdir.
– Qanaqa molning ushurini berish vojib bo’ladi?
– Yomg’ir suvi va jilg’a suvi bilan o’sgan g’allalar, mevalar va bedalar ushurini hamda
shu yerda hosil bo’lgan asalning ushurini berish farz bo’ladi.
– G’alla qancha bo’lsa, ushurini bermak lozim bo’ladi?
– Xoh oz bo’lsin va xoh ko’p bo’lsin, qancha bo’lsa ham, ushurini berish lozim. Ushurda
zakotga tayin qilingan nisob yo’q.
– Qanday kishilar g’allalaridan ushur bermoqlari lozim bo’ladi?
– Boymi, faqirmi, balog’atga yetganmi, yetmaganmi – hamma ushur berishi lozim.
Zakotga o’xshash ushurga boylik, balog’atga yetishlik shart qilib qo’yilmagan.
– Hosil bo’lgan g’allaning qanchasiga ushur beriladi?
– Qancha hosil bo’lsa, shunchasiga ushur beriladi, xarajatlari ham chegirilmaydi.
– O’tin va qamishga o’xshash narsalardan ham ushur beriladimi?
– Berilmaydi.
– Yomg’ir yog’maydigan yerlarda asbob bilan suv tashib o’stirilgan ekinlarga to’la ushur
beriladimi?
– To’la ushur berilmaydi, balki ushurning qismi beriladi, ya’ni yigirma bo’lagidan bir
bo’lagi beriladi.
– Ushur kimlarga beriladi?
– Faqirlarga beriladi, boshqa o’rinlarga berilmaydi.
– Ijaraga olingan yerda o’sgan ekinlarga ushurni kim beradi? Yer egasimi yo ijaraga olib
ekin ekkan kishimi?
– Yerni ijaraga olib ekin qilgan kishi beradi. Ba’zi ulamolar yer egasi beradi, deganlar.
|
| |
|
| | | | Sana: Juma, 22-Oktyabr-2010, 03:28 | Xatlari # 147 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 100-DARS
Mavzu: FITR SADAQASI
– Fitr sadaqasi qanaqa sadaqadir?
– Ramazon oyidan keyin fitr hayiti kunida beriladigan sadaqadir.
– Fitr sadaqasi berish qanday kishilarga vojib?
– Shariatda boy deb hisob qilinadigan kishilarga vojib bo’ladi.
– Qancha moli bo’lgan kishilar shariatda boy hisoblanadi?
– O’z hojatidan ortiq kumush nisob miqdoricha (ya’ni, o’ttiz so’m va undan ziyoda) moli
bo’lgan kishi boy hisob qilinadi.
– Shuncha moli bo’lgan kishi sadaqa olsa bo’ladimi?
– Durust bo’lmaydi, haromdir. Unday kishiga berilgan zakot, ushur, fitr sadaqasi, fidya
va boshqa sadaqalar hech qaysisi sadaqadan hisob qilinmaydi.
– O’z hojatidan ziyoda o’ttiz so’m miqdoricha moli bo’lmagan kishiga fitr sadaqasi berish
vojib bo’ladimi?
– Vojib bo’lmaydi, lekin agar bersa, savobsiz qolmaydi.
– Faqir kishilarga ham fitr sadaqasi berish vojib, deyish durustmi?
– Durust emas. Sadaqa berish vojib, degan kishi zo’r gunohkor bo’ladi. Go’yo shariatga
xiyonat qilgan hisoblanadi.
– Fitr sadaqasini bir kishi faqat o’zi uchungina beradimi yoki o’ziga qarashli boshqa
kishilar uchun ham berishi vojibmi?
– O’zi uchun ham va yosh bolalari uchun ham berishi vojibdir.
– Xotini uchun, katta yoshdagi bolalari uchun, mollik sabiy yosh bolalari uchun fitr
sadaqasini berish vojib bo’ladimi?
– Vojib bo’lmaydi. Agar boy bo’lsalar, ularning o’z gardanlariga vojib bo’ladi.
– Agar bir kishi xotini, katta yoshdagi bolalari va mollik sabiy yosh bolalari, xizmatkorlari
uchun fitr sadaqasini o’zi bersa, durust bo’ladimi?
– Albatta, durust bo’ladi.
– Fitr sadaqasini qaysi vaqtda berish vojib bo’ladi?
– Ramazon o’tgandan so’ng, hayit kuni tong otgach, berish vojib bo’ladi.
– Qaysi vaqtda bersa, savobliroq bo’ladi?
– Fitr hayiti kuni hayit namozi o’qilmasdan ilgari berish savobliroqdir.
– Agar bir kishi fitr sadaqasini hayit namozini o’qiguncha ado qilolmasa, u kishi nima
qiladi?
– Hayit namozini o’qigandan so’ng beradi, bermasdan qoldirmaydi.
– Hayit kuni bo’lguncha ramazon ichida fitr sadaqasini berib qo’yish durust bo’ladimi?
– Durust bo’ladi.
– Fitr sadaqasi qanday kishilarga beriladi?
– Zakot beriladigan faqir kishilarga.
– Har bir kishi uchun fitr sadaqasining miqdori qancha?
– Har bir kishi yarim so’ bug’doy yoki bir so’ arpa yoki yarim so’ xurmo yoki bir so’
mayiz berishi vojib bo’ladi.
– «So’» qanchaga teng keladigan o’lchovdir?
– Sakkiz yuz yigirma sakkiz misqol, ya’ni sakkiz qadoq miqdoricha bug’doy sig’adigan
o’lchovdir.
– Yarim so’ bug’doy necha misqol bo’ladi?
– Uch yuz oltmish to’rt misqol bo’ladi.
– Bug’doy, arpa, xurmo, mayiz o’rniga baholari barobar aqcha bersa bo’ladimi?
– Bo’ladi. Hatto, faqirlarga foydaliroq bo’ladi.
– Bir necha kishi fitr sadaqasini to’plab birdan bersa, durust bo’ladimi?
– Durust bo’ladi, lekin shunday bo’lsa ham, har kishi sadaqasini o’z nomiga atab bergani
afzaldir.
|
| |
|
| | | | Sana: Yakshanba, 24-Oktyabr-2010, 20:00 | Xatlari # 148 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 101-DARS
Mavzu:FIDYA
– Fidya qanaqa sadaqa?
– Mayyitning, ya’ni o’lgan kishining o’qilmay qolgan namozlari va tutilmay qolgan
ro’zalari uchun sadaqadir.
– Har bir qazo qilingan ro’za uchun qancha fidya beriladi?
– Har kun uchun bir fitr sadaqasi miqdoricha beriladi, ya’ni uch yuz oltmish to’rt misqol
qadar bug’doy yoki yetti yuz yigirma sakkiz misqol qadar arpa beriladi.
– Har bir o’qilmagan namoz uchun qancha fidya beriladi?
– Besh vaqt namozning har biri uchun ham, vitr namozi uchun ham fitr sadaqasi
miqdoricha beriladi.
– Umri ichida ba’zi namozi va ba’zi ro’zasi qazoga qolgan kishi vafot qilishidan
xavflangan zamonda nima qilsa, vojib bo’ladi?
– Qolgan namoz-ro’zalari uchun vorislariga vasiyat etmog’i vojibdir.
– Kishi shu tariqa vasiyat qilib vafot etgach, vorislar qancha miqdor fidya berishlari
kerak?
– Mayyitdan qolgan molning uch bo’lagining bir bo’lagidan berishi lozim bo’ladi.
– Qolgan molning uchdan biri fidyasiga yetmaydigan bo’lsa, nima qiladi?
– Uchdan biri qancha bo’lsa, o’shancha beriladi, yetmagan miqdori berilmaydi. Agar
vorislari uchdan biridan ziyoda qilib bersalar, savobli bo’ladi. Bir mayyit fidya beringlar,
deb vasiyat qilmasdan vafot qilsa, uning uchun vorislari qolgan molidan fidya bersalar,
g’oyatda savobli bo’ladi.
– Bir mayyitning hech bir moli qolmasa, u mayyit uchun boshqa kishi o’z molidan fidya
bersa, durust bo’ladimi?
– Durust bo’ladi.
– Mayyitning qazoga qolgan ro’za va namozlari miqdori ma’lum bo’lmasa, nima qilinadi?
– Taxmin qilib beriladi. Balog’atga yetgan zamondan hisob qilib, vafot qilgan
zamonigacha har bir namozi va ro’zasi uchun fidya beriladi. Tutilgan ro’za va o’qilgan
namozlari uchun ham bersa, zarari yo’qdir, chunki har bir qilingan amalning maqbul
bo’lmog’i ma’lum emasdir. Hattoki, hech bir ro’za va namozi qazoga qolmagan kishi ham
butun umrida ro’za va namozlari uchun fidya bersa, foydadan holi emasdir.
– Fidyaning tariqasi qanday?
– Er kishi bo’lsa, o’n ikki yoshini, xotin kishi bo’lsa, to’qqiz yoshini chiqarib hisoblanadi.
Keyin mayyitning boqiy qolgan umri uchun faqirga fidya beriladi.
- Fidya qay miqdorda beriladi?
– Agar o’sha mayyitning qolgan molining uchdan biri fidyaga kifoya qilgudek bo’lsa,
hammasi birdan faqirga beriladi.
– Bir yillik ro’za va namozning fidyasi qancha miqdor bug’doy bo’ladi?
– Ikki yuz o’ttiz olti pud va yigirma yarim qadoq bug’doy bo’ladi.
– Ushbu bug’doy va arpa o’rniga bahosi qadar aqcha bersa, durust bo’ladimi?
– Durust bo’ladi.
– Sadaqasi qanaqa kishilarga beriladi?
– Zakot beriladigan faqir kishilarga beriladi.
|
| |
|
| | | | Sana: Seshanba, 26-Oktyabr-2010, 18:05 | Xatlari # 149 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 102-DARS
Mavzu: NAFL SADAQA
– Nafl sadaqa qanaqa sadaqadir?
– Zakot, ushur, fitr sadaqasi, fidya va kafforatlardan boshqa, kishiga farz yo vojib yoki
lozim bo’lmagan sadaqadir.
– Nafl sadaqa bermak lozimmi?
– Farz yo vojib emas, lekin g’oyatda savobli, mustahab amaldir. Gunohlarning avf
qilinishiga, balolardan saqlanishga sabab bo’ladi.
– Faqirligi sababidan sadaqa so’ragan kishiga qanaqa muomala qilinadi?
– Oz bo’lsa-da, biror narsa berib yuborishga harakat qilish kerak. Bermaganda ham
unga qattiq so’z aytmay, berganini minnat qilmay, yumshoq so’z bilan ko’nglini ko’tarib
yuborish lozim. «Har ikkimizga Alloh taolo xayrli davlat bersin», deb duo qilgan yaxshi.
– Sadaqa olgan kishi sadaqa bergan kishini nima deb duo qiladi?
– Ushbu duo birla duo qiladi:
«Allohumma ihfaz sohiba hazihis-sodaqoti anil ofoti val baliyyati vag’fir
zunubahu va akid iymanahu va vaffiqhu ‘ala xoyri maqosiduhu».
Ma’nosi: «Ey bor Xudoyo, ushbu sadaqa qiluvchi kishini har turli ofat va balolardan
saqlagin va ham uning imonini qutlug’ qilgin va ham uning mollarini ko’p qilgin va ham
uni xayrli maqsadlariga yetkazgin».
|
| |
|
| | | | Sana: Juma, 29-Oktyabr-2010, 17:42 | Xatlari # 150 |
Ism:
| [Abu Abdulloh]
| Maqomi:
| [Forum Administrator]
| Guruxi:
| [Faol Forumchi]
| Postlari:
| [452]
| Xulqi: +
| [214] ±
| Xulqi: -
| [0%] ±
| User xozir:
| [Forumda emas]
| Yurt:
| [Узбекистан]
| Jins:
| [Erkak]
|
|
| 103-DARS
Mavzu: QURBONLIK
– Qurbon ma’nosi nima?
– Alloh taolo uchun bo’g’izlanadigan hayvondir.
– Qurbonlik qanday kishiga vojibdir?
– O’z hojatidan ortiq kumush nisobi miqdoricha moli bor bo’lgan boy kishiga vojib
bo’ladi.
– Qurbonlik qaysi vaqt so’yiladi?
– Qurbon hayiti kuni, ya’ni zulhijja oyining o’ninchi kunida qurbon hayiti namozi o’qilgan
so’ng so’yiladi.
– U kunda so’yilmay qolsa, nima qiladi?
– O’n birinchi yoki o’n ikkinchi zulhijjada so’yilsa ham durust bo’ladi.
– O’n uchinchi kuni so’yilsa-chi?
– Durust bo’lmaydi, chunki o’n ikkinchi zulhijjada quyosh botgandan keyin qurbonlik
so’yishning vaqti chiqadi.
– Qurbonlikni kechasi so’ysa bo’ladimi?
– Durust bo’lmaydi, makruh bo’ladi.
– Bir kishi o’n birinchi va o’n ikkinchi zulhijjada qurbonlikni so’ya olmay qolsa, nima
qiladi?
– Qurbonlik uchun olgan hayvonni yoki o’sha hayvon bahosi miqdoricha aqchani sadaqa
qiladi.
– Qurbonlikka qanday hayvonlarni so’ysa bo’ladi?
– Qo’y, echki, sigir, tuya kabi tuyog’i yoriq hayvonlarni qurbonlikka so’yish durust.
– Tovuq, g’oz va otga o’xshash hayvonlardan qurbonlik qilsa bo’lmaydimi?
– Durust bo’lmaydi.
– Qo’y, echki necha kishi uchun qurbonlikka kifoya qiladi?
– Har biri bir kishi uchun kifoya qiladi.
– Sigir, tuya necha kishi uchun qurbonlikka kifoya qiladi?
– Har birisi bir kishidan to yetti kishigacha kifoya qiladi.
– Yetti kishi jam bo’lib bir sigirni qurbonlik qilsalar, go’shtini qay tariqa bo’lib oladilar?
– Tarozi bilan o’lchab oladilar.
– Qurbonlikning terisi nima qilinadi?
– Faqirlarga beriladi yoki sotib puli faqirlarga sadaqa qilinadi.
– Terini masjid imomiga bersa bo’ladimi?
– Agar faqir bo’lsa, bersa bo’ladi.
– Qurbonlik qilgan kishi qurbonligining go’shtini nima qiladi?
– Faqirlarga ulashadi va ziyofat qiladi hamda o’zining oila a’zolariga ulashadi.
– Qurbonlikni kim bo’g’izlaydi?
– Qurbonlik qilgan kishi bo’g’izlashni yaxshi bilsa, o’zi bo’g’izlaydi, bilmasa, boshqa bir
kishiga bo’g’izlatib, o’zi ustida duo qilib turadi.
– Qurbonlik qilinadigan qo’y yoki echki necha yoshli bo’lishi kerak?
– Bir yashar bo’lishi kerak.
– Olti oylik qo’yni qurbonlik qilsa, durust bo’ladimi?
– Agar o’sha qo’y semiz va jussasi bir yashar qo’yning jussasidek katta bo’lsa, durust
bo’ladi.
– Qurbonlik bo’ladigan sigir va yo ho’kiz necha yashar bo’lmog’i kerak?
– Ikki yashar bo’lmog’i lozim.
– Tuya necha yashar bo’lmog’i lozim?
– Besh yashar bo’lmog’i lozim.
– Devona, qo’tir, qirchang’i, shoxsiz, axta qilingan hayvonlar qurbonlikka yaraydimi?
– Qurbonlikka yaraydi.
– Qanday hayvonlar qurbonlikka yaramaydi?
– Nihoyatda oriq, yurolmaydigan, oqsoq, qulog’ining yo dumining uchdan biridan
ortiqrog’i kesik bo’lgan hayvonlar, bir yo ikki ko’zi ko’r, og’zida hech bir tishi qolmagan
hayvonlar qurbonlikka yaramaydi.
– Qurbonlik uchun qaysi hayvonlar afzalroq?
– Oq yoki ko’k rangli katta shoxli, a’zosi salomat, semiz qo’chqor afzaldir.
|
| |
|
|
|
